"Барселона" ярим ҳимоячиси Фермин Лопес "Мальорка"га урган голидан сўнг ўз таассуротлари билан ўртоқлашди.
Испания чемпионати еттинчи тур учрашуви 2:2 ҳисобида якунланди. 20 ёшли футболчи 64-дақиқада захирадан майдонга тушди ва Рафинья Диаснинг узатмасидан гол урди.
"Биринчи голимни урганимдан хурсандман, лекин биз ўсишда давом этишимиз керак", - дея Лопеснинг сўзларини келтиради Barcacentre.
Етти турдан кейин “Барселона” 17 очко билан Ла Лига турнир жадвалида учинчи ўринда бормоқда.