Италия терма жамоаси дарвозабони Жанлуиджи Доннарумма ҳозирда терма жамоанинг собиқ устози Роберто Манчинининг кетишини кутмаганлигини тан олди.
Манчини беш йилни терма жамоа бошқарувида ўтказди, улар билан 2021 йилда Европа чемпионлигини қўлга киритди, бироқ август ойида ўз лавозимини тарк этди ва ҳозир Саудия Арабистони терма жамоасига мураббийлик қилмоқда.
"Бу кутилмаган ва қайғули эди, мен буни кутмаган эдим. Манчини мен учун жуда кўп иш қилди. Биз биргаликда Европа чемпионатида ғолиб чиқдик, бу тарихий ютуқ эди. Лекин Спалетти билан яхши натижаларга эришамиз деб ўйлайман. Унинг жамоалари ҳар доим унинг иш сифатини кўрсатишган", - дея Доннарумма сўзларини келтиради Sportmediaset.
