"Наполи" бош мураббийи Руди Гарсия Италия чемпионатининг 6-турида "Удинезе" устидан қозонилган ғалабадан сўнг (4:1) жамоасининг грузиялик ярим ҳимоячиси Хвича Кварацхелиянинг ўйини ҳақида гапирди.
22 ёшли грузиялик март ойидан бери илк голини урди ва голли узатмага ҳам ҳисса қўшди.
"Хвича икки марта дарвоза устунини нишонга олди, лекин якунда гол урди. Бугун у ажойиб эди: у пенальти тепди ва голли узатма берди. Лекин муҳими у гол урди. Бу унинг учун психологик нуқтаи назардан кўп нарсани англатади.
Ҳозир у гол урди, менимча, бу унинг елкасидан жуда кўп оғирликларни олиб ташлайди. У билан узоқ суҳбатлашдик. Мен унга кўп ўйламасликни ва футболдан завқланишни айтдим", - деди Гарсия DAZN нашрига.
