"Ньюкасл" бош мураббийи Эдди Хау жамоасининг Англия Лига кубоги доирасидаги "Манчестер Сити" устидан қозонилган ғалабаси (1:0) ҳақида гапирди.
"Ушбу ўйинда бутунлай бошқача бўлимлар бўлди. Биринчи бўлимда бизга қийин бўлди, чунки рақиб устунлик қилди. Лекин тўпсиз қолган бўлсак ҳам яхши ҳимояландик. Иккинчи бўлимда "Ньюкасл" ҳимояда ҳам, ҳужумда ҳам яхши ўйнади. Ўйлайманки, жамоа бу ғалабага лойиқ эди", - деди Хау BBC Sport билан суҳбатда.
"Ньюкасл"нинг навбатдаги учрашуви Англия Премьер-лигасида "Бёрнли"га қарши бўлади. Учрашув 30 сентябрь шанба куни бўлиб ўтади.
