"Тоттенхэм" ярим ҳимоячиси Жовани ло Чельсо январь ойидаги трансфер ойнасида жамоасини тарк этиш ниятида эмас. Mundo Deportivo хабарига кўра, аргентиналик футболчи қишда Анге Постекоглу жамоасини тарк этишни истамаяпти.
"Барселона" аввалроқ Ло Чельсо хизматларига қизиқиш билдирган, аммо "кўк-анорранглилар"нинг яқин келажакда ярим ҳимоячини қўлга киритиш имконияти кам. Хави Эрнандес жамоаси ёзда келишувга эриша олмади.
Жорий мавсум бошланишидан олдин Ло Чельсо "Вильярреал"да бир ярим йил ижара асосида ўйнади. Англия Премьер-лигасининг ушбу мавсумида Жовани атиги 16 дақиқа майдонда ҳаракат қилди.
