"Tottenxem" yarim himoyachisi Jovani lo Chelso yanvar oyidagi transfer oynasida jamoasini tark etish niyatida emas. Mundo Deportivo xabariga ko‘ra, argentinalik futbolchi qishda Ange Postekoglu jamoasini tark etishni istamayapti.
"Barselona" avvalroq Lo Chelso xizmatlariga qiziqish bildirgan, ammo "ko‘k-anorranglilar"ning yaqin kelajakda yarim himoyachini qo‘lga kiritish imkoniyati kam. Xavi Ernandes jamoasi yozda kelishuvga erisha olmadi.
Joriy mavsum boshlanishidan oldin Lo Chelso "Vilyarreal"da bir yarim yil ijara asosida o‘ynadi. Angliya Premyer-ligasining ushbu mavsumida Jovani atigi 16 daqiqa maydonda harakat qildi.
