"Наполи" бош мураббийи Руди Гарсия клуб раҳбарияти ва юлдуз ҳужумчи Виктор Осимхен ўртасидаги зиддиятли вазият ҳақида гапирди.
"Болонья"га қарши ўйин натижаси барчамизни хафа қилди. Шундан кейин нима бўлганини ҳамма аллақачон билади. Мен яқинда Осимхен билан гаплашдим. Виктор 100 фоиз “Наполи”да ўйнашга эътибор қаратган. Ҳозир бу унинг учун энг муҳими", - дея мутахассиснинг сўзларидан иқтибос келтиради инсайдер Фабрицио Романо.
Аввалроқ, ижтимоий тармоқларда ҳужумчига оид ҳажвий видео чоп этилгани сабабли футболчи ва клуб ўртасида келишмовчиликлар юзага келгани ҳақида хабар берилганди. Футболчининг вакили мижозининг ноаниқ пенальти видеоси ТикТок'да эълон қилингани учун судга мурожаат қилиши мумкинлигини айтди.
