Мадриднинг «Реал» клуби бош мураббийи Карло Анчелотти «Лас-Пальмас»га қарши ўйинда нима учун ярим ҳимоячилар Лука Модрич ва Жуд Беллингем жамоанинг асосий таркибига киритилмаганини тушунтирди.
«Беллингем ва Модрич чарчаган эди, шунинг учун улар «Лас-Пальмас»га қарши ўйинни асосий таркибда бошлашмади.
Мен уларга дам беришни танладим. Биз ўз ўйинчиларимизни хавф остига қўймоқчи эмасмиз», - деди Анчелотти матбуот анжуманида.
Кеча «Реал Мадрид» Ла Лига турнир жадвалида «Барселона»ни ортда қолдирди, аммо чемпионат пешқадами ҳозирда қироллик клубидан бир очко кўп тўплаган «Жирона» бўлиб турибди.
