«Арсенал» бош мураббийи Микель Артета Англия Премьер-лигасининг сўнгги ўйинларида Давид Райяга асосий таркибдаги ўрнини бой берган дарвозабон Аарон Рэмсдейлнинг сифатига шубҳа қилмаслигини айтди.
«Мен Рэмсдейл даражаси ҳақидаги саволга жавоб бериш керак бўлган одам эмасман. Ҳамма бу қарорга шубҳа қилаётган бир пайтда мен уни «Арсенал»га қўшиб олдим. Энди мен бу саволга жавоб беришим керак деб ўйламайман», деди Артета матбуот анжуманида.
Эслатиб ўтамиз, Рэмсдейлга сўнгги пайтларда «Бавария» ва «Челси» каби клублар қизиқиш билдираётган эди. Катта эҳтимол билан Райя «Арсенал»нинг асосий турнирларда асосий дарвозабони бўлади.
