"Интер" Искога қизиқиш билдирмоқда.
Estadio Deportivo хабарига кўра, "Бетис" ярим ҳимоячиси "нерадзурри"лар эътиборини тортди. Хавбек Ла Лиганинг 7 турида 5 та энг яхши ўйинчи совринини қўлга киритди.
Миланликлар "Реал"нинг собиқ футболчисини 2024 йилда эркин агент сифатида қўлга киритишга умид қилишмоқда. Улар унга қулай молиявий шароитларни таклиф қилишга тайёр.
Шу билан бирга, Исконинг "Бетис" билан келишуви маълум ўйинлар сонига эришгандан сўнг автоматик равишда узайтиришни назарда тутади. Қайд этилишича, испан клуби раҳбарияти футболчи билан маоши оширилган кўп йиллик шартнома тузишни муҳокама қилишга тайёр.
Жорий мавсумда Ла Лигада 7 та учрашувда Иско 1 та гол урди.
