Todofichajes журналистларининг хабар беришича, япониялик вингер Такефуса Кубо Лондоннинг "Арсенал" клуби қизиқиш доирасига тушиб қолган.
Манбага кўра, агар "Реал Мадрид" футболчини сотиб олиш ҳуқуқидан фойдаланмаса, "канонирлар" футболчини "Реал Сосьедад"дан сотиб олишга уриниб кўради. "Лос-Бланкос" 22 ёшли футболчини 30 миллион евро эвазига қайтариши мумкин.
Кубо "Реал Сосьедад"да 2022 йилнинг ёзидан буён ўйнамоқда. Томонлар ўртасидаги амалдаги меҳнат шартномаси муддати 2027 йилнинг ўрталаригача ҳисобланади.