"Манчестер Юнайтед" марказий ҳимоячиси Лисандро Мартинес тўпиғидан олган жароҳатидан тикланишда давом этмоқда.
Журналист Самуэль Лакхёрстнинг фикрича, аргентиналик футболчи "манкунианликлар"нинг сўнгги икки ўйинини ўтказиб юборганига қарамай, унинг жароҳати жиддий ҳисобланмаяпти.
"Манчестер Юнайтед" тиббиёт ходимларининг прогнозлари ҳамон оптимистик. Мартинес қисқа муддатга сафдан чиқиши кутилмоқда, аммо ҳозирча унинг тикланиши учун аниқ муддат йўқ.
Мартинес жорий мавсум Англия Премьер-лигасида 5 та ўйинда майдонга тушиб, битта голли узатмани амалга оширди. Футболчи 2022 йилнинг ёзидан буён "Манчестер Юнайтед"да ўйнамоқда.
