"Интер" ҳужумчиси Лаутаро Мартинес манфаатларини ҳимоя қилувчи футбол агенти Алехандро Каманьо футболчининг келажаги ҳақида гапирди.
"У бир нечта таклифларни олди... лекин Лаутаро доим менга: "Интер" ва фақат "Интер" деб айтади. Унинг клуб ва мухлисларга нисбатан ўзгача туйғулари бор. У "Интер"ни, жамоани яхши кўради. Биз янги шартномани муҳокама қилмоқчимиз, туйғу ажойиб", - дея Каманьо сўзларини келтиради инсайдер Фабрицио Романо.
26 ёшли аргентиналик футболчи 2018 йилдан буён “Интер”да тўп тепади ва унинг амалдаги шартномаси 2026 йилнинг ёзига қадар мўлжалланган. Жорий мавсумда Мартинес жамоа сафида барча турнирларда 7 та ўйин ўтказиб, 6 та гол урди ва 2 та голли узатмани амалга оширди.
