"Inter" hujumchisi Lautaro Martines manfaatlarini himoya qiluvchi futbol agenti Alexandro Kamanyo futbolchining kelajagi haqida gapirdi.
"U bir nechta takliflarni oldi... lekin Lautaro doim menga: "Inter" va faqat "Inter" deb aytadi. Uning klub va muxlislarga nisbatan o‘zgacha tuyg‘ulari bor. U "Inter"ni, jamoani yaxshi ko‘radi. Biz yangi shartnomani muhokama qilmoqchimiz, tuyg‘u ajoyib", - deya Kamanyo so‘zlarini keltiradi insayder Fabrisio Romano.
26 yoshli argentinalik futbolchi 2018 yildan buyon “Inter”da to‘p tepadi va uning amaldagi shartnomasi 2026 yilning yoziga qadar mo‘ljallangan. Joriy mavsumda Martines jamoa safida barcha turnirlarda 7 ta o‘yin o‘tkazib, 6 ta gol urdi va 2 ta golli uzatmani amalga oshirdi.
