Пеп Гвардиола «Барселона» ҳакамларга пул тўламаганига ишонч билдирмоқда.
Негрейра иши бўйича Каталония клуби порахўрликда айбланган. Хосе Мария Энрикес Негрейра, унинг ўғли, шунингдек, Каталония клубининг собиқ президентлари Хосеп Бартомеу ва Сандро Росел ҳам порахўрликда айбланмоқда.
«Биз кутамиз ва кўрамиз. Суд жараёни давом этсин. Мен буни тўлиқ билмайман, ҳеч нарса кўрмаганман ва ўқимаганман.
Лекин мен «Барселона»нинг бундан фойда олиш учун ҳакамларга пул тўлаётганини кўрмаганман. Мен бунақасини билмайман.
Шунинг учун мен ўз фикримни билдиришдан олдин кутмоқчиман, чунки «Барселона» ўз позициясини ҳимоя қилади. Кўрайликчи.
Ҳақиқатан ҳам нима бўлганини суд ҳал қилади», - деди «Барса» билан 14 та соврин ютган каталониялик мураббий.
