"Манчестер Юнайтед" бош мураббийи Эрик тен Хаг "Олд Траффорд" трибуналаридаги ҳуштак ҳақида гапирди. Эслатиб ўтамиз, шанба куни “қизил иблислар” ўз майдонида “Кристал Пэлас”га минимал 0:1 ҳисобида имкониятни бой берганди.
“Мухлислар ҳуштаги? Мен буни тушунаман. "Кристал Пэлас" билан ўйнаганингизда, рақибни ҳурмат қилган ҳолда ғалаба қозонишингиз керак. Албатта, биз хавотирдамиз, барқарорроқ бўлишимиз керак, бизга кетма-кет ғалабалар керак. Мағлубият сабаблари ҳақида гапиришим мумкин, аммо бу баҳонага ўхшайди. Аммо бизда ҳеч қандай баҳона йўқ”, — деди Тен Хаг.
