Ҳимоячи Жером Боатенгнинг «Бавария»даги трансфери якунланмоқда.
Журналист Керри Хоунинг ижтимоий тармоқлар орқали хабар беришича, бугун, 1 октябрь куни 35 ёшли футболчи жамоа машғулотларида иштирок этишни режалаштирган.
Тажрибали футболчининг мюнхенликлар билан меҳнат шартномаси жорий мавсум охиригача амалда бўлиши кутилмоқда.
Боатенг аввал 2011 йилдан 2021 йилгача «Бавария»да ўйнаган. Ҳимоячи мюнхенликлар таркибида 25 та совринни қўлга киритди. Шундан сўнг Жером икки мавсумни Франциянинг «Лион»ида ўтказди. Боатенг ҳозирда эркин агент ҳисобланади.
