"ПСЖ" бош мураббийи Луис Энрике жамоанинг асосий юлдузи Килиан Мбаппе ҳақида фикр билдирди.
"Мбаппе – энг юқори савиядаги футболчи. У дунёнинг энг зўри ва мен буни нафақат унинг мураббийи эканлигим учун эмас, балки умуман кўрганларим учун ҳам айтяпман", - деди Энрике УЕФА расмий сайтига.
Мураббий инсоний фазилатлар бўйича Мбаппе футболчи сифатидагидан ҳам яхшироқ эканини таъкидлади. "ПСЖ" жамоасида шундай футболчи борлигидан бахтиёр", - дея ўз сўзини якунлади Энрике.
Жорий мавсумда 24 ёшли Мбаппе барча турнирларда еттита ўйин ўтказиб, саккизта гол урди.
4 октябрь куни "ПСЖ" Чемпионлар лигаси гуруҳ босқичининг 2-тури доирасида "Ньюкасл"га қарши сафарда ўйнайди. Ўйин Тошкент вақти билан соат 23:59да бошланади.
