Ҳиндистоннинг Калькутта шаҳрида шахмат бўйича ўтказилган " Rose Valley Open International Chess Tournament 2012" халқаро турнири ниҳоясига етди.
Швейцарча тизимда ўтказилган мазкур халқаро турнирда 16 давлатдан 100 нафар шахмат усталари ғолиблик учун дона сурди. Турнир иштирокчилари орасида 32 нафар гроссмейстер ҳамда 34 нафар халқаро мастерларни ўрин эгаллаганлиги, мусобақа нуфузи нечоғлик юқори эканлигидан далолат беради.
Эътиборлиси, кучли рақобат остида кечган мазкур халқаро турнирда 11 имкониятдан 8 очко жамғарган ҳамюртимиз, халқаро гроссмейстер Марат Жумаев биринчи ўринни эгаллаб, бош совринни қўлга киритди.
Тажрибали шахматчимиз ўтказилган 11 учрашувнинг 7 тасида ғалабага эришиб, икки ўйинда дурангга имзо чекди.
Шавкат Жалилов
Маданият ва спорт ишлари вазирлиги матбуот хизмати
