"Байер" ярим ҳимоячиси, аввалроқ "Арсенал"да ўйнаган Гранит Жака немис клубидаги ўйин ҳақидаги таассуротлари билан ўртоқлашди.
Швейцариялик футболчининг таъкидлашича, леверкузенликлар жамоаси футболчилари "канонирлар" футболчиларидек босим остида эмас.
"Бошқа клублар диққат марказида бўлгани учун бу ерда ҳеч қандай тартибсизлик йўқ. "Арсенал"да бошқача босим бор эди. Аммо бизда катта амбициялар бор, чунки жамоа катта салоҳиятга эга", - деди Жака.
Жорий мавсумда 31 ёшли Жака “Байер” сафида 8 та ўйин ўтказиб, битта голли узатмани амалга оширди.
