"Барселона" вингер Ламин Ямал билан янги шартнома имзолаганини эълон қилди. 16 ёшли футболчи 2026 йилнинг июнь ойи охиригача мўлжалланган шартнома имзолади.
Қайд этилишича, Ямал шартномасида 1 миллиард еврога сотиб олиш имконияти мавжуд. Бунинг ажабланарли жойи йўқ, чунки каталонияликлар ўйинчилар билан тузилган деярли барча меҳнат шартномаларида катта миқдорда товон тўлаш бандларини назарда тутади.
Ламин Ямал "Барселона" асосий жамоасида 10 та ўйин ўтказди. Уларда ёш футболчи иккита голли узатмани амалга оширди.
"Барселона" навбатдаги ўйинини 4 октябрь куни Чемпионлар лигаси доирасида "Порту"га қарши ўтказади.
