«Арсенал» бош мураббийи Микель Артета жамоа ярим ҳимоячиси Кай Хаверцнинг «Борнмут»га (4:0) урган голи ҳақида гапирди.
Эслатиб ўтамиз, германиялик ярим ҳимоячи Англия премьер-лигасининг 7-тури доирасидаги ўйинда пенальтидан гол урган эди. Бу тўп унинг «Арсенал»даги дебют голига айланди.
«Хаверц пенальтини тепишини билардимми? Бу – замонавий тенденция. Футболчиларнинг ўзлари ташаббус кўрсатишади.
Мен улардан бу ҳақда сўрамайман. Мен Сака зарба беради деб ўйладим, лекин у буни Кайга берди. Бу чиройли ишора эди», - дея Артетанинг сўзларини келтиради «канонирлар» матбуот хизмати.
