Римнинг «Лацио» клуби ўзининг ижтимоий тармоқларида марказий ярим ҳимоячи Луис Альберто билан шартномани узайтиргани ҳақида хабар берди.
Томонлар ўртасидаги янги келишув энди 2027 йилнинг июнь ойи охиригача амал қилади.
Альберто, эслатиб ўтамиз, 31 ёшда. У римликлар сафида етти йилдан кўпроқ вақт - 2016 йилнинг августидан бери ўйнамоқда.
Бунгача испаниялик футболчи Испаниянинг «Депортиво» (Ла Корунья) клубида тўп тепган.
Жорий мавсумда Альберто «бургутлар» таркибида саккизта ўйинда майдонга тушиб, иккита гол ва иккита голли узатмани амалга оширди.
