Rimning «Lasio» klubi o‘zining ijtimoiy tarmoqlarida markaziy yarim himoyachi Luis Alberto bilan shartnomani uzaytirgani haqida xabar berdi.

Tomonlar o‘rtasidagi yangi kelishuv endi 2027 yilning iyun oyi oxirigacha amal qiladi.

Alberto, eslatib o‘tamiz, 31 yoshda. U rimliklar safida yetti yildan ko‘proq vaqt - 2016 yilning avgustidan beri o‘ynamoqda.

Bungacha ispaniyalik futbolchi Ispaniyaning «Deportivo» (La Korunya) klubida to‘p tepgan.

Joriy mavsumda Alberto «burgutlar» tarkibida sakkizta o‘yinda maydonga tushib, ikkita gol va ikkita golli uzatmani amalga oshirdi.