Мюнхеннинг “Бавария” клуби ярим ҳимоячиси Жошуа Киммих Чемпионлар лигаси гуруҳ босқичи 2-тури доирасида Даниянинг “Копенгаген” клубига қарши ўйиндан умидлари билан ўртоқлашди.
"Биз Бундеслигадан Муҳаммад Элюнуссини («Копенгаген» ҳужумчиси) биламиз. Видео таҳлилимиз бугун кечқурун ва эртага бўлиб ўтади. Биз биламизки, “Копенгаген” ўз уйида жуда яхши ўйнайди, улар ўтган мавсумда Чемпионлар лигаси гуруҳ босқичида ўз стадионида мағлубиятга учрамаган, шунинг учун биз яхши тайёргарлик кўришимиз керак”, — деди Киммих матбуот анжуманида.
Эслатиб ўтамиз, ўйин эртага, 3 октябрь куни бўлиб ўтади.
