Хабар бериб ўтганимиздек, кеча футзал бўйича Қозоғистон кубоги ярим финал баҳслари бўлиб ўтди. "Қайрат" жамоаси "Аят"ни 8:2 ҳисобида мағлуб этиб, финал йўлланмасини йўлга киритган бўлса, "БТА Футзал" ва "Тулпар" жамоалари ўртасидаги баҳс қизиқарли кечди.

"БТА Футзал" таркибида Тожибоев, Ирсалиев, Холмуҳаммедов ва Абдумавлонов ўйин қайдномасига киритилишди. Ўйин бошидан ҳар иккала жамоа ҳужумкорликка ўр беришди. Абдумавлонов бир ҳаракат билан "Тулпар"нинг икки нафар ҳимоячисини алдаб ўтишга ва дарвоза томон зарба беришга муваффақ бўлган бўлса-да, дарвозабон ўз вақтида зарбани қайтаришга муваффақ бўлди. Кейинги вазиятда Ирсалиевнинг кучли зарбасида ҳам қарағандаликларнинг легионер дарвозабони реакцияси кўрсатишга муваффақ бўлди. Бу ўйинда "БТА Футзал"нинг ўзбекистонлик тўртлиги рақибга эркин нафас олишга имкон бермади. Биринчи бўлим тугашига 2 дақиқа қолганида меҳмонларнинг бразалиялик легионери Алекс Дилшодга нисбатан қўпол ўйин намойиш қилди. Белгиланган жарима зарбасини олма-оталиклар сардори Кулбакаров аниқ амалга ошириб, ҳисобни очди.

Иккинчи бўлим банкирлар учун омадли бошлади. Дилшод Ирсалиев яратилган вазиятдан қўлдан чиқармади ва ҳисобни 2:0га етказди. 28-дақиқада Першин битта жавоб тўпини киритиб, интригани юзага келтирди. Ўйин тугашига 3 дақиқа қолганидан Кулбакаров Ирсалиев томонидан бурчакдан етказиб берилган тўпни дарвозага йўллаган бўлса, ўйн тугашига 1 дақиқа қолганида қарағандаликлар бешинчи ўйинчи  тактикаси билан ҳаракат қилганида жамоа сардорининг ўзи уларни жазолади — 4:1.

Футзал. Қозоғистон кубоги
«Тулпар» - «БТА-Футзал» - 1:4 (0:1)
Голлар: Першин 28 - Кулбараков 18, 37, 39, Ирсалиев 23
«БТА-Футзал»: Абдурасилов, Аселкан, Ирсалиев, Кононенко, Кулбараков, Муҳамедияров, Холмуҳаммедов, Шамро, Тожибоев, Алжаксин, Абдумавлонов, Барабанов, Абдилбаев, Караласбаев