«Марсель» бош мураббийи Женнаро Гаттузо «Брайтон» билан бўлажак ўйин ҳақида гапирди.

Учрашув пайшанба куни Европа Лигаси гуруҳ босқичи доирасида бўлиб ўтади.

«Биз тўпга эгалик қилиш сифати бўйича Европанинг кучли учлигида кетаётган жамоага қарши ўйнашимиз керак.

«Брайтон» бошланғич таркибдаги ҳатто ўн нафар футболчини ўзгартириши мумкин, аммо ёндашув ва фалсафа ўзгаришсиз қолади.

Де Зерби ажойиб мутахассис, мен уни анчадан бери биламан. Менимча, айни дамда уни Италиянинг энг яхши мураббийларидан бири дейиш мумкин.

У ҳар доим нима истаётганини билар эди, ҳаттоки C Серияда ҳам шундай бўлган», - деди Гаттузо.