"Манчестер Сити" ярим ҳимоячиси Фил Фоден жамоадоши Хулиан Альвареснинг ўйинига юқори баҳо берди.
Аргентиналик форвард Чемпионлар лигаси доирасидаги “РБ Лейпциг”га қарши ўйинда (3:1) Хосеп Гвардиола жамоасига ғалаба келтирди. 79-дақиқада захирадан майдонга тушган 23 ёшли футболчи бор-йўғи 5 дақиқа ўтиб жамоасини олдинга олиб чиқди ва қўшиб берилган вақтда якуний натижани ўрнатган Жереми Докуга ёрдам берди.
"Биз "РБ Лейпциг" нимага қодирлигини билардик. Хулиан Альвареснинг ўйини? Бу сеҳр. У бу мавсумда мутлақо ажойиб. Биз уни энг муҳим голларни ура оладиган футболчи деб ҳисоблаймиз. Бугун у майдонга тушди ва ўйин курсини ўзгартирди", - деди инглиз.
