Каталониянинг “Барселона” клуби вингери Ферран Торрес УЕФА Чемпионлар лигаси гуруҳ босқичи 2-туридан ўрин олган “Порту”га қарши ўйин натижаси ҳақида гапирди. Учрашув “кўк-анорранглилар”нинг 1:0 ҳисобидаги ғалабаси билан якунланди.
“Ўйиндан олдин биз ғалаба плей-оффга чиқишга яқинлашишини муҳокама қилгандик. Бу ўйинда "Барселона" тўп билан қанчалик яхши муомала қила олишини кўрсатди. Лекин шу билан бирга, керак бўлса босимга ҳам чидашга қодирлигимизни кўрсатдик. Биз рақибнинг хатосидан унумли фойдалана олдик", - дея футболчининг сўзларини келтиради УЕФА матбуот хизмати.
Икки турдан сўнг "кўк-анорранглилар" олти очко билан ўз гуруҳида биринчи ўринда бормоқда.
