"РБ Лейпциг" бош мураббийи Марко Розе УEФА Чемпионлар лигаси гуруҳ босқичи 2-тур учрашувида "Манчестер Сити"дан учралган мағлубият ҳақида фикр билдирди. Учрашув 3:1 ҳисобида инглиз гранди фойдасига ҳал бўлди.
"Ўйлайманки, рақиб ҳақли ғалабага эришди. Иккинчи бўлимда биз тезлашдик ва ҳисобни тенглаштиришга муваффақ бўлдик, аммо шундан кейин “Манчестер Сити” яхшиланди. Бу ўйинда биз энг яхшилардан ўргандик. Энди тузалиб, “Бохум” билан ўйинда муваффақиятли ўйнашимиз керак”, — дея мутахассиснинг сўзларини келтиради клуб матбуот хизмати.
Икки тур натижасига кўра, Германия клуби G гуруҳида уч очко билан иккинчи ўринда бормоқда.
