"Бавария" дарвозабони Мануэль Нойер тез орада 2023 йилдаги илк ўйинини ўтказмоқчи.

37 ёшли футболчи мюнхенликлар сафидаги сўнгги ўйинини ўтган йилнинг ноябрь ойида ўтказган эди. Германия терма жамоаси Қатарда бўлиб ўтган жаҳон чемпионатидан чиқиб кетганидан сўнг, дарвозабон таътил пайтида чанғи учаётган оёғини синдириб олди. Клуб расмийлари яқинда таъкидлаганидек, Нойер яқин ҳафталарда тўлиқ тикланиши керак. Bild хабарига кўра, "Бавария" сардорининг ўзи 21 октябрь куни бўлиб ўтадиган "Майнц"га қарши ўйин учун таркибга киритилишини кутмоқда.

Мануэль Нойер қайтгунига қадар "Бавария" яна камида битта ўйин ўтказиши керак - "Фрайбург"га қарши (8 октябрь).