Мадриднинг “Атлетико” клуби бош мураббийи Диего Симеоне янги шартнома имзолашга тайёр.
“Матрасчилар” бошқарувида 13-мавсумни ўтказаётган мутахассиснинг амалдаги шартномаси келаси йилнинг ўрталарига қадар амал қилади. Relevo хабарига кўра, томонлар янги шартнома шартлари бўйича тўлиқ келишувга эришишга яқин. Тез орада "Атлетико" аргентиналик мутахассис билан шартнома узайтирилганини расман эълон қилиши кутилмоқда.
Якшанба куни Диего Симеоне жамоаси ўз майдонида "Реал Сосьедад"ни қабул қилади. Учрашув Тошкент вақти билан 19:15 да бошланади.
Бугун Мадрид клуби Ла Лига турнир жадвалида 7 ўйиндан кейин 16 очко жамғарган ҳолда бешинчи ўринни эгаллаб турибди.
