"Манчестер Сити" ҳимоячиси Кайл Уокер Микель Артетанинг ёрдамчиларидан бири билан қўл сиқишдан бош тортди.
Ҳодиса якшанба кунги ўйин охирида рўй берди, унда “шаҳарликлар” “канонирлар”га минимал ҳисобда мағлуб бўлди. "Арсенал"да стандарт вазиятлар бўйича мураббий бўлиб ишлаётган Николя Жовер Уокернинг қўлини силкитмоқчи бўлган, бироқ Кайл рад жавобини берган, шундан сўнг жанжал бошланган. Журналист Саймон Стоуннинг сўзларига кўра, франциялик мураббий ўтган мавсумда ўйиндан сўнг англияликнинг қўлини сиқмаган – шу сабаб Уокер бу сафар бу ишни қилмаган.
Эслатиб ўтамиз, кечаги учрашувда Микель Артета шогирдлари Габриэль Мартинеллининг 86-дақиқада урган голи эвазига ғалаба қозонишди.
