"Реал" ҳужумчиси Хоселу келажаги ҳақидаги саволга жавоб берди. Эслатиб ўтамиз, 33 ёшли футболчи "Қироллик клуби"да ижара асосида ўйнамоқда. Ҳужумчининг шартномаси "Эспаньол"га тегишли.

"Ҳозир мен "Реал"да ўйнаяпман, бошқа ҳеч нарса дея олмайман. Мен қолишни жуда хоҳлардим. "Реал" - ҳаётим клуби, мен клубни шу ерда қолишимга ишонтириш учун махсус мавсумни ўтказмоқчиман", - деди Хоселу Relevo билан суҳбатда.

Жорий мавсумда футболчи барча турнирларни ҳисобга олган ҳолда 11 учрашувда майдонга тушиб, бешта гол урди ва иккита голли узатмани амалга оширди.

Хоселунинг "Эспаньол" билан шартномаси 2025 йилгача мўлжалланган. Transfermarkt портали ҳужумчининг нархини олти миллион еврога баҳоламоқда.