Марокаш терма жамоаси Ламин Ямалнинг таклифи ҳақидаги маълумотни рад этди.
AS хабарига кўра, Марокаш Қироллик футбол федерацияси 16 ёшли "Барселона" ва Испания терма жамоаси ярим ҳимоячисига босим ўтказиб, Ямалга Марокаш терма жамоасига таклифни қабул қилиш учун пул тўлашни таклиф қилмоқда.
Бироқ Ямал бор эътиборини Испания терма жамоасида ўйнашга қаратгани учун таклифни рад этди. Қайд этилишича, ФИФА қоидалари Ямалга спорт фуқаролигини ўзгартиришга рухсат беради, чунки у Испания терма жамоаси сафида учтадан кам ўйин ўтказган.
Қироллик футбол федерацияси бу маълумотни рад этиб, уни "ҳеч қандай асосга эга эмас" деб атади ва Ямалнинг Испания терма жамоасида ўйнаш қарорини ҳурмат қилишини таъкидлади.
Эслатиб ўтамиз, Ламин Ямал сонидан олган жароҳати туфайли октябрь ойида Испания терма жамоасида ўйнамайди. Ярим ҳимоячи сешанба куни терма жамоани тарк этди.