Хабар берганимиздек, Индонезия 2034 йилги жаҳон чемпионатига мезбонлик қилиш учун Саудия Арабистони билан курашмоқчи. "Интер"нинг собиқ президенти ва ҳозирда Индонезия футбол федерацияси раҳбари Эрик Тоҳир ўз мамлакатининг амбициялари ва Индонезиянинг таклифи қўшма бўлиши мумкинлигини тасдиқлади.
"Биз етарлича кучлимиз. Ҳа, бизнинг потенциал ҳамкорларимиз бор. Биз буни Малайзия ва Сингапур билан муҳокама қилмоқдамиз, улар Индонезия ва Австралияга қўшилишга тайёр”, — дея Тоҳир сўзларини келтиради Италиянинг ITASportPress агентлиги.
Аввалроқ жаҳон чемпионати Осиёда бор-йўғи икки марта – 2002 йилда Япония ва Жанубий Кореяда, 2022 йилда эса Қатарда ўтказилган.
