“Интер Майами” МЛС плей-офф босқичига чиқа олмади. Демак, Херардо Мартино жамоаси учун футбол мавсуми тез орада якунланади. Миш-мишлар Лионель Мессини "Барселона" ёки Саудия Арабистонидаги клублардан бирига ижарага бериши мумкинлиги ҳақида гапира бошлади. Бироқ юлдуз аргентиналик футболчи жамоасини алмаштириш ниятида эмас. Бу ҳақда нуфузли инсайдер Фабрицио Романо ижтимоий тармоқларда хабар берди.
Романонинг сўзларига кўра, Мессининг яқин ойлар учун тақвими аллақачон режалаштирилган — “Интер Майами” билан тадбирлар, терма жамоа учун ўйинлар, таътил ва мавсумолди йиғин. Лео тўлиқ эътиборини ҳозирги клубига қаратган ва ҳеч нарсани ўзгартирмайди.