Италиянинг “Милан” клубида ўйнаётган ҳимоячи Малик Тиав фаолиятини Испания чемпионатида давом эттириши мумкин.
Tribal Football нашри хабарига кўра, Мадриднинг "Реал" клуби 22 ёшли футболчининг трансферига қизиқиш билдирмоқда ва Эдер Милитаога ўринбосар қидирмоқда.
Тиав ўтган йилнинг август ойидан бери "россонерилар" сафида ўйнаб келмоқда. Томонлар ўртасидаги амалдаги шартнома 2027 йилнинг июнь ойи охирида тугайди. Ҳимоячининг трансфер қиймати 30 миллион еврога баҳоланмоқда.
Жорий Италия А Сериясида Малик миланликлар сафида еттита учрашувда қатнашди. Ҳимоячи учта сариқ карточка олди.
