"Антверпен" ярим ҳимоячиси Артур Вермирен яқинда Леандро Троссард жароҳат олгани сабабли Бельгия терма жамоасига чақирув олди. Бу футболчи Англиянинг учта топ-клуби нишонида турибди.
90min нашри хабарига кўра, 18 ёшли футболчига "Манчестер Сити", "Арсенал" ва "Тоттенхэм" клублари қизиқиш билдирмоқда.
Артур Вермирен "Антверпен" клуби битирувчиси. Transfermarkt портали бельгиялик футболчини 17 миллион еврога баҳоламоқда.
Аввалроқ, Вермиренга "Барселона" клуби қизиқиш билдираётгани ҳақида хабарлар тарқалганди.
Ҳозирда “Тоттенхэм” ва “Арсенал” АПЛ турнир жадвалида пешқадамлик қилмоқда. “Манчестер Сити” эса 2 очко ортда қолган ҳолда учинчи ўринда бормоқда.
