Аргентина терма жамоаси етакчиси Лионель Месси ЖЧ-2026 саралаши доирасидаги Парагвай устидан қозонилган ғалаба ҳақида гапирди. Амалдаги Жаҳон чемпионлари Николас Отамендининг голи эвазига 1:0 ҳисобида зафар қучди.
"Майдонга тушганимдан хурсандман. Бундай кескин ўйинда захирадан майдонга тушиш осон эмас. Муҳими, ғалаба қозона олдик. Жамоа айниқса учрашувнинг биринчи ярмида яхши ўйин кўрсатди" - деди 36 ёшли ҳужумчи ESPN нашрига берган интервьюсида.
Аргентина терма жамоасининг навбатдаги ўйини Перу терма жамоасига қарши бўлади. Учрашув 18 октябрга ўтар кечаси бўлиб ўтади.
