Португалия терма жамоаси ҳужумчиси Криштиану Роналду жамоаси ва бош мураббийи Роберто Мартинеснинг савиясини юқори баҳолади.
Эслатиб ўтамиз, испаниялик мутахассис Қатардаги жаҳон чемпионатидан сўнг Бельгия терма жамоасини тарк этганидан кейин иш бошлаган эди.
"Португалия терма жамоасида ўйнаганимдан хурсандман. Биз яхши ўйин кўрсатдик ва Европа чемпионатига йўлланма олдик, чунки Роберто Мартинес қўл остида ажойиб жамоамиз ва ажойиб мураббийимиз бор", - деди Роналду.
Эслатиб ўтамиз, куни кеча Португалия терма жамоаси Европа чемпионатидаги иштирокини таъминлади. Олдинроқ Роналду келаси ёзда Германияда бўлиб ўтадиган турнирда иштирок этиш ниятида эканлигини маълум қилганди.
