Portugaliya terma jamoasi hujumchisi Krishtianu Ronaldu jamoasi va bosh murabbiyi Roberto Martinesning saviyasini yuqori baholadi.

Eslatib o‘tamiz, ispaniyalik mutaxassis Qatardagi jahon chempionatidan so‘ng Belgiya terma jamoasini tark etganidan keyin ish boshlagan edi.

"Portugaliya terma jamoasida o‘ynaganimdan xursandman. Biz yaxshi o‘yin ko‘rsatdik va Yevropa chempionatiga yo‘llanma oldik, chunki Roberto Martines qo‘l ostida ajoyib jamoamiz va ajoyib murabbiyimiz bor", - dedi Ronaldu.

Eslatib o‘tamiz, kuni kecha Portugaliya terma jamoasi Yevropa chempionatidagi ishtirokini ta’minladi. Oldinroq Ronaldu kelasi yozda Germaniyada bo‘lib o‘tadigan turnirda ishtirok etish niyatida ekanligini ma’lum qilgandi.