"Барселона"нинг энг қиммат футболчилари рўйхатидан учта ярим ҳимоячи ўрин олган.
Transfermarkt интернет портали Ла Лиганинг баъзи футболчилари баҳосини янгилади. Янги маълумотларга кўра, "Барселона"нинг энг қиммат футболчиси ярим ҳимоячи Педри бўлиб қолмоқда, унинг нархи 100 миллион евро. Иккинчи ўринни 19 ёшли ярим ҳимоячи Гави (90 миллион евро) сақлаб қолди, бироқ учинчи поғонада ўзгаришлар рўй берди. Роналд Араухонинг ўрнини ярим ҳимоячи Френки де Йонг эгаллади, унинг трансфер нархи дарҳол 15 миллион еврога кўтарилиб, ҳозир Гави каби 90 миллион еврони ташкил қилмоқда.
Тўққиз турдан сўнг “Барселона” Испания чемпионати турнир жадвалида “Жирона”дан бир очко, “Реал”дан 3 очко ортда қолиб, учинчи ўринни эгаллаб турибди.
