"Barselona"ning eng qimmat futbolchilari ro‘yxatidan uchta yarim himoyachi o‘rin olgan.
Transfermarkt internet portali La Liganing ba’zi futbolchilari bahosini yangiladi. Yangi ma’lumotlarga ko‘ra, "Barselona"ning eng qimmat futbolchisi yarim himoyachi Pedri bo‘lib qolmoqda, uning narxi 100 million yevro. Ikkinchi o‘rinni 19 yoshli yarim himoyachi Gavi (90 million yevro) saqlab qoldi, biroq uchinchi pog‘onada o‘zgarishlar ro‘y berdi. Ronald Arauxoning o‘rnini yarim himoyachi Frenki de Yong egalladi, uning transfer narxi darhol 15 million yevroga ko‘tarilib, hozir Gavi kabi 90 million yevroni tashkil qilmoqda.
To‘qqiz turdan so‘ng “Barselona” Ispaniya chempionati turnir jadvalida “Jirona”dan bir ochko, “Real”dan 3 ochko ortda qolib, uchinchi o‘rinni egallab turibdi.
