ФИФА рейтингида Ўзбекистондан 2 поғона юқорида жойлашган Оман терма жамоаси октябрь ойида ўртоқлик ўйини ўтказмасдан яна бир поғона тепага кўтарилди.

Бунга сабаб, ФИФА рейтингида 71-ўринда турган Кабо-Верде терма жамоаси ўртоқлик ўйинида Жазоир терма жамоасига 5:1 ҳисобида мағлуб бўлди ва рейтингда 3,41 балл йўқотиб, 1,333.88 балл билан 73-ўринга тушиб кетди.

1,334.37 баллга эга бўлган Оман терма жамоаси эса автоматик тарзда 73-ўриндан 72-ўринга кўтарилди. Кабо-Верде ўз ўрнини қайтариб олиш учун 17 октябрь кунги ўртоқлик ўйинида Комор ороллари терма жамоасинин мағлуб этиши керак бўлади.

Эслатиб ўтамиз, Вьетнам-Ўзбекистон учрашуви 6 тадан кўп ўзгариш қилишга рухсат берилган назорат учрашуви мақомида ўтганлиги боис, ушбу ўйин учун ФИФА рейтингида терма жамоамизга баллар ёзилмайди.