FIFA reytingida O‘zbekistondan 2 pog‘ona yuqorida joylashgan Oman terma jamoasi oktyabr oyida o‘rtoqlik o‘yini o‘tkazmasdan yana bir pog‘ona tepaga ko‘tarildi.
Bunga sabab, FIFA reytingida 71-o‘rinda turgan Kabo-Verde terma jamoasi o‘rtoqlik o‘yinida Jazoir terma jamoasiga 5:1 hisobida mag‘lub bo‘ldi va reytingda 3,41 ball yo‘qotib, 1,333.88 ball bilan 73-o‘ringa tushib ketdi.
1,334.37 ballga ega bo‘lgan Oman terma jamoasi esa avtomatik tarzda 73-o‘rindan 72-o‘ringa ko‘tarildi. Kabo-Verde o‘z o‘rnini qaytarib olish uchun 17 oktyabr kungi o‘rtoqlik o‘yinida Komor orollari terma jamoasinin mag‘lub etishi kerak bo‘ladi.
Eslatib o‘tamiz, Vyetnam-O‘zbekiston uchrashuvi 6 tadan ko‘p o‘zgarish qilishga ruxsat berilgan nazorat uchrashuvi maqomida o‘tganligi bois, ushbu o‘yin uchun FIFA reytingida terma jamoamizga ballar yozilmaydi.
