Болгария терма жамоаси ва Каталониянинг «Барселона» клуби собиқ ҳужумчиси Христо Стоичков голландиялик мураббий Луи ван Гал ҳақида ўз фикрлари билан ўртоқлашди.

«Луи ван Гал? Мен унинг исмини айтмоқчи эмасман. Ҳа, у ўз соҳасининг профессионали, лекин мен уни шахс сифатида ёқтирмайман.

Мен унга ўхшаган ҳеч кимни учратмадим. Мен ван Гал каби бўлишни хоҳламайман. У мен учун ҳеч ким эмас. У ёлғончи, у ҳақида бошқа гапиришни истамайман», - дея Стоичковнинг сўзларини келтиради Mundo Deportivo.

Эслатиб ўтамиз, Кристо 1997 йилда «Барселона»да ван Гал қўл остида ўйнаган.