Bolgariya terma jamoasi va Kataloniyaning «Barselona» klubi sobiq hujumchisi Xristo Stoichkov gollandiyalik murabbiy Lui van Gal haqida o‘z fikrlari bilan o‘rtoqlashdi.
«Lui van Gal? Men uning ismini aytmoqchi emasman. Ha, u o‘z sohasining professionali, lekin men uni shaxs sifatida yoqtirmayman.
Men unga o‘xshagan hech kimni uchratmadim. Men van Gal kabi bo‘lishni xohlamayman. U men uchun hech kim emas. U yolg‘onchi, u haqida boshqa gapirishni istamayman», - deya Stoichkovning so‘zlarini keltiradi Mundo Deportivo.
Eslatib o‘tamiz, Kristo 1997 yilda «Barselona»da van Gal qo‘l ostida o‘ynagan.
