Германия терма жамоаси бош мураббийи Юлиан Нагельсманн келаси ёзда бўлиб ўтадиган 2024 йилги Европа чемпионатидан умидлари ҳақида фикр билдирди.
"Биз ушбу турнирда ғалаба қозонишни истаймиз. Ярим финал ёки чорак финалга чиқсак, ажойиб ўйин кўрсатамиз ва бутун мамлакат биз билан фахрланади - буни муваффақият деб ҳисоблаш мумкин", - деди Нагельсманн.
Эслатиб ўтамиз, 2024 йилги Европа чемпионати 14 июндан 14 июлга қадар Германияда бўлиб ўтади. Турнирнинг амалдаги чемпиони финалда инглизларни мағлуб этган Италия терма жамоаси ҳисобланади.