"Милан" вице-сардори Тео Эрнандес Килиан Мбаппенинг тўхтовсизлиги ҳақида ҳазил қилди.
- Мбаппе билан бир жамоада ўйнаш ақл бовар қилмайди. Келгуси йилларда ҳам буни давом эттираман деган умиддаман.
- "Милан" Чемпионлар лигасида "ПСЖ" билан учрашади. Мбаппени қандай тўхтатиш мумкин?
- У мендан қарама-қарши қанотда ўйнагани яхши. Мен Калабрияга маслаҳат бердим, энг яхшиси Мбаппега нисбатан ўйин қоидасини бузиш. Имконият бор экан, унга нисбатан ўйин қоидасини бузиш керак", - деди Эрнандес Telefoot билан суҳбатда.
Бир кун олдин Мбаппе Нидерландияга қарши Евро-2024 саралаш ўйинида дубль қайд этиб, бир ойдан бери давом этаётган голсиз сериясига барҳам берди. Тео ҳам, Килиан ҳам бутун учрашувни майдонда ўтказдилар.
10 кундан кейин Эрнандес ва Мбаппе клублари Чемпионлар лигасида ўзаро тўқнаш келишади. 25 октябрь куни “ПСЖ” гуруҳ босқичининг 3-турида “Милан”ни қабул қилади.
